Silaut Daerah yang tidak di fasilitasi Internet oleh PEMERINTAH

Silaut- Dewasa ini kebutuhan akan teknologi informasi begitu berkembang, salah satu nya adalah internet, silaut adalah salah satu daerah yang tidak memilik fasilitas internet, secara ekonomi daerah ini mapan dan seharusnya di fasilitasi internet, ini yang menyebabkan terbelakangnya pendidikan di silaut karna kurangnya perhatian pemerintah terhadap pendidikan disilaut.

“Banyak guru nan ka diuji nampaknyo mah, Tan!” Kato Uncu Labai. “Ujian apo Ncu?” Tanyo Udin Kuriak. “Uji kompetensi nampaknyo,” jawek Uncu. “Oooh, lai ndak takah dulu juo ujiannyo?” Kecek Udin baliak.
“Takah dulu baa?” Uncu baliak batanyo.
Udin Kuriak indak lansuang manjawek. Dipaelok-i dulu duduaknyo, sudah tu dibaka pulo rokok sabatang. Nampaklah asok mangguluang ka udaro. Di lua cuaca nampak agak kabua. Kadang-kadang sarupo akan hujan.
“Dulu kan guru-guru di nagari ko lah banyak pulo sato ujian kompetensi. Wakatu itu banyak masalah nan tajadi. Indak masalah guru-guru se doh, tapi juo masalah di panitia dan pakakeh nan dipakai,” kato Udin.
“Namonyo se pakakeh buatan manusia tantu iyo bamasalah Din,” baleh Uncu.

“Iyo, takana di den. Dulu ujian kompetensi guru banyak masalahnyo. Pakakeh komputer se kabanyo acok macet. Indak manyambuang ka internet, baa kecek guru ka manjawek sosal-soal nan ado,” Angah Piyan lah sato pulo mangecek.
“Di den indak itu se masalahnyo doh Ngah. Guru-guru ko kan banyak di nagari-nagari sampai ka dusun-dusun. Yakinlah, kalau guru-guru tu banyak nan alun kenal jo caro manjalankan komputer sarato internet. Nah, baa ka mangakoknyo kalau memang indak pernah maresek itu salamo ko. Nan maaja di kota tantu indak masalah doh. Karano memang guru-guru punyo pasilitas. Indak bana punyo komputer jo internet di rumah, warnet saambuah banyaknyo. Tingga piliah se lai,” kecek Mak Pono.
“Guru di kampuang Mamak mungkin iyo bantuak itu. Nan di kampuang den lah santiang-santiang. Pakai pesbuk bagai ciek sughang,” mangecek pulo Ajo Tondeh.
“Mungkin se kampuang Ajo iyo lai bantuak itu. Tapi, nagari ko kan indak kampuang Ajo se ciek doh. Mulai dari Pangkalan sampai ka Lunang Silaut, dari Sasak Aie Bangih, sampai bateh Muaro Bungo, indak taetong nagari nan masih alun tajangkau internet,” baleh Mak Pono.
“Mudah-mudahan se karaguan Mamak tu bisa diatasi dek pamarentah atau panitia ujian. Awak doakan se ujian guru-guru tu indak takah nan dulu juo. Kan lai suai tu ndak?” Kecek Tan Baro mancubo manangahi debat Mak Pono jo Ajo Tondeh.
“Yo, mudah-mudahan se bantuak itu. Karano kalau guru lai luluih ujian kompetensi tu kan batambah pulo pandapatannyo tu. Jo caro itu mudah-mudahan guru-guru indak mangaluah lai dek ulah gaji atau pandapatannyo ketek,” baleh Mak Pono.
“Kalau masalah pandapatan tu, bara se nan ditarimo alun ka pernah cukuik lai doh Mak. Karano bak kecek-kecek awak salamo ko, pitih tu ibarat aia lawik. Samakin diminum, samakin awih. Dulu pandapatan guru ketek, balanjonyo juo ketek. Indak ado karidik motor, oto, rumah, pulsa henpon dan lain-lain. Kini, pandapatan gadang, pangaluaran juo gadang. Ado nan pambayia karidik rumah, tipi, kulkas, motor, oto, malah ado pulo untuak ansuran karatu karidik bagai,” kecek Tan Baro baliak. (eSPe St.Soeleman)